Os gandeiros de Oia suspenden os curros en protesta 'polo microchip'

Os gandeiros de Oia veñen de facer efectiva a súa protesta contra a nova normativa da Xunta que pretende imprantar microchips nas bestas do monte. Os gandeiros afirman que o microchip é moi caro e que a Unión Europea admitiu a trámite a denuncia que presentaron contra a súa obrigatoriedade, e piden á Xunta que agarde pola resolución europea. Entrementres, tomaron medidas de protesta: os catro primeiros curros que se celebrarán este ano en Galicia quedan clausurados. Son os curros de Valga, Torroña, Mougás e San Cibrán. Os gandeiros afirman que eles non teñen ánimo de lucro cos curros e advirten que a protesta se pode estender a case todos os curros da provincia.