O pregamento. Foto: Cultura Quiroga en Picasa
O Goberno galego aprobou hoxe un proxecto de decreto para a declaración do pregamento xeolóxico de Campodola-Leixazós, en Quiroga, como Monumento Natural. É a primeira declaración deste tipo no que vai de lexislatura e, na práctica, significará a incorporación á Rede Galega de Espazos Naturais Protexidos e o establecemento dunha normativa destinada á súa preservación. O pregamento pertence á estrutura tectónica coñecida como sinclinal do Courel e trátase dun espazo natural "de importante valor xeolóxico no contexto nacional o internacional", que segundo a Xunta "consérvase practicamente intacto desde o Carbonífero Inferior".