A Galería Trinta amosa ata o 24 de abril o traballo fotográfico de Malick Sibidé

Fotografías de estudio que amosan o Bamako dos anos sesenta, as súas modas, os símbolos de riqueza daquela sociedade. Ao xeito dun Virxilio Viéitez de Mali, Malick Sibidé converteuse, a partir do seu traballo de retratista de estudio no cronista visual dun país que acababa de conseguir a súa independencia. Agora, a Galería Trinta de Santiago achéganos, ata o vindeiro 24 de abril, unha selección do traballo deste autor.