Buscar unha docencia lingüísticamente correcta. Este é o obxectivo do Encontro de Formación para membros dos equipos de normalización lingüística do profesorado galego que remata hoxe en Compostela. Tres días nos que se analizou e avaliou a lingua dos docentes.
Encontros
O encontro que hoxe se clausura, puxo de manifesto a necesidade da normalización da lingua no colectivo do profesorado. Por este motivo, abordaron os diferentes aspectos necesarios dentro da docencia. Os equipos de normalización, o seu didactismo, a lexicografía, os cursiños e os recursos galegos na internet. Deste xeito, durante tres días a Escola Galega de Administración Pública (EGAP) abordou a situación do galego na escola, para sentalo como unha lingua europea no futuro.
Ponentes
Durante estes días pasaron polo EGAP expertos e profesionais da educación normativa en lingua galega, que ofreceron a súa visión particular do obxecto das xornadas. Nese sentido Henrique Monteagudo, da Universidade de Santiago de Compostela (USC) destacou a súa ponencia a importancia do galego como lingua europea do futuro. Ademais de expoñer a visión dun caso de análise, o do Instituto de Ensinanza Secundaria de Montealto (A Coruña) por Rosario Vázquez Mourín e Carlos Fabal Rifón profsores do centro. Nos encontros tamén se ofrece unha chamada de atención ás novas tecnoloxías a través da ponencia de Susana Mayo, do Arquivo de Planificación Lingüística do Consello da Cultura Galega, que realizará unha visión panorámica dos recursos que hai na rede en galego.
