Alex Cal segue a bo ritmo a súa carreira en Estados Unidos

A colaboración que o debuxante vigués Alex Cal realiza coa editora estadounidense IDW continúa a un intenso ritmo. Desde que comezou 2012 o autor participou en 10 títulos do crossover Cobra Command, que afecta a varias series do universo G.I. Joe. Se en anteriores novas dábamos conta da súa colaboración ata o número 6 de esta saga, agora confírmase a participación do galego na continuación da mesma, que se distribúe entre as cabeceiras G.I. Joe, Cobra e Snake Eyes. Se nos 4 primeiros números e mais no 7 correu con todo o labor de debuxo e entintado, no 5 e 6 contou coa colaboración de Beni Lobel, quen traballou sobre os seus bosquexos, e nos números 8 e 9, que sairán este mes, encárgase de 11 páxinas de xeito íntegro cubrindo Lobel o remate doutras 12 en cada en cada entrega.