Cartel de iLalelo
Da gaita aos pratos, Xosé Manuel Budiño muda de terzo e pásase á música electrónica. O artista de Moaña forma dúo con Carlos Blanco en iLalelo, un proxecto no que se mestura música e humor. Monólogos a ritmo de rap que fan cantar ao público e nos que se mestura o texto preparado con cuestións centradas na actualidade e vencelladas a cada lugar onde chega a actuación.
A orixe deste proxecto está en 2003, cando Carlos Blanco improvisou un rap durante unha actuación de Budiño en Ortigueira.
Logo de estrear o formato en Ferrol e en Bueu, o pub Puticlú da Coruña acolle o día nove a seguinte actuacón. A xira ten as seguintes citas no Clavicémbalo de Lugo e o 16 de marzo no Liceum do Porriño, para continuar polo Grove, Cerdido ou Celanova, entre outras localidades.
