Compostweets completa aforo ao redor das redes sociais

Cun programa deseñado a partir das redes sociais e Galicia, a segunda edición do evento Compostweets celebrarase en Santiago de Compostela, no Centro de Novas Tecnoloxías de Galicia, este sábado 25 de febreiro. Unha ampla nómina de profesionais do sector das novas tecnoloxías e redes sociais daranse cita na rede. Empresas galegas de comercio electrónico, edición dixital, publicidade, blogs e desenvolvedores de software contarán estratexias e casos ao redor do uso das redes sociais. O aforo, segundo o twitter oficial do evento, está esgotado.