Case 200 bens culturais do Concello da Coruña están desaparecidos

Cadros de Seoane, Laxeiro, Grandío, Abelenda ou Sucasas, case o despacho completo de Casares Quiroga, a xoiaría de 1842 da Virxe do Rosario, patrona da Cidade, un par de reloxios do XVII e XVIII ou mesmo o cartel de Viñetas desde o Atlántico do ano 2002 son algúns dos 196 bens "desaparecidos" do inventario de bens artísticos do concello da Coruña, segundo publicou o domingo El País. O concello da Coruña anunciou a apertura dun expediente administrativo, previa denuncia do expolio á Policía Nacional das pezas máis importantes.