Recreación da Compostela do século XIII
Entrar hoxe na reformada Casa do Cabido é volver pisar a Compostela de 1211, ano da consagración da basílica xacobea. Este é o cometido da exposición “Compostela Dicitur” coa que o edificio abre as súas portas á veciñanza despois de meses de rehabilitación. Dúas aplicacións interactivas e unha serie de paneis con mapas, planos e fotografías axudan a reconstruír como evolucionou a cidade nos últimos oito séculos.
A mostra toma o seu nome dunha bula de 1905, na que o Papa Urbano II decreta o traslado da sede episcopal desde Iria Flavia ata a “cidade chamada Compostela” (Compostella dicitur). Está composta por dúas aplicacións interactivas que permiten recrear o aspecto da cidade en 1211. Unha é un plano virtual cos nomes das rúas, das fontes, das portas da muralla e das igrexas, así como as áreas nas que se asentaban os diferentes gremios hai oito séculos. A oura aplicación consiste nun paseo virtual que recrea os pasos dun peregrino desde a Porta do Camiño ata a Catedral.
