Polaqia fecha a súa actividade coa edición dun compilatorio de Jano

Xa se coñecen os títulos cos que o colectivo de autores de banda deseñada Polaqia fecha a súa actividade. En primeiro lugar, sae 3x1, de Jano e Ricardo Mena. O álbum, con 64 páxinas a branco e negro e a cor, recolle historias dos personaxes Macho Alfa, Kuka e Viva la muerte, realizados por Jano en solitario ou co mentado guionista e que xa viron a luz en diferentes publicacións. A obra chegará en breve ás librarías a un prezo de oito euros, sendo o número 4 da colección Rompehielos. Como segunda proposta, publican o sexto número da colección Sketcbook, centrado desta volta en bosquexos e ilustracións de Alberto Guitián. A obra, de 48 páxinas, sae á venda por 5 euros.

Capa do Sketchbook de Alberto Guitián