Xosé Daniel Costas leva o X Premio de Poesía Novacaixagalicia

A X edición do Premio de Poesía Novacaixagalicia, que organiza esta entidade en colaboración co Centro PEN de Galicia foi para Xosé Daniel Costa Currás. O poeta, nado en Moaña en 1981, impúxose entre os 71 participantes coa obra Monicreques. O xurado destacou “a aposta arriscada por unha estrutura autenticamente novidosa, a teatralidade da mesma, un ritmo e unha musicalidade singulares e unha plasticidade que vai máis alá das imaxes e cromías para construír un mundo poético e pletórico de modernidade, que non por iso deixa de lado a tradición”.

Costa levará 12.000 euros e verá publicado o seu traballo na colección Arte de trobar. O presidente do Centro Pen, Luís González Tosar, Emma Pedreira, Ana Salgado,Edelmiro Vázquez Naval, Antón Pulido e Xabier Castro Martínez foron os compoñentes do xurado.