Exhibición e debate únense en Santiago para evidenciar o pulo do teatro amador

O teatro afeccionado exhibirá o seu poderío do 9 ao 14 de decembro en Santiago cunha dobre actividade. Dunha banda está na celebración co décimo Festival de Teatro Afeccionado Agustín Magán que permitirá o pase de seis compañiás por riba do escenario do Teatro Principal. Da outra banda, durante os días 9 e 10, a Cidade da Cultura acollerá un foro no que representantes de federacións de diferentes comunidades autónomas estudarán como o teatro, e mesmo o afeccionado, é capaz de asentarse como realidade cultural, económica e de vertebración no século XXI. Ambas xornadas están organizadas pola Federación Galega de Teatro Afeccionado (que celebrará o seu décimo aniversario cunha exposición) co apoio de Agadic.