A Orquestra Gaos convértese en residente do Conservatorio de Culleredo

Naceu en abril de 2009 formada por alumnos e profesores de conservatorios profesionais de toda Galicia. Desde entón desenvolveu unha fonda campaña de actividades por diferentes lugares. Agora, a Orquestra convértese en entidade residente do Conservatorio de Culleredo. Un convenio asinado polo presidente da formación, Marcos Seoane, e o alcalde da localidade, Julio Sacristán, permítelle aos primeiros ensaiar nas instalacións do conservatorio profesional e, aos segundos, participar de oíntes e figurar nos programas de man da orquestra.