O colectivo Lugo Patrimonio denunciou esta fin de semana o precario estado no que se atopa o templo de San Mamede de Vilasouto, no Incio. Esta igrexa abandonada atópase nun estado de total abandono, con grandes furados na cuberta e o interior totalmente vandalizado, e a súa situación pode levar, segundo o colectivo, ao derrubamento do conxunto. O templo conta cunha portada románica, elementos barrocos e no seu interior pódense observar policromías e mobiliario antigo. Tanto desde o colectivo como desde o bispado apuntan, segundo recolle La Voz de Galicia a necesidade de lle dar un emprego a este espazo para evitar que continúa o seu deterioramento.
De xeito paralelo, o párroco de Santa María del Valle de Rocaldeo, no concello ourensán de Lobios, denunciou a substracción no templo de varias cadeas de ouro e máis dun cáliz de prata valorados nuns 2.000 euros, para o que os ladróns forzaron a porta.
