As librarías celebran mañá o seu primeiro día

A Federación de Libreiros de Galicia organiza, en colaboración coa Xunta, e ao mesmo tempo que en todo o Estado o primeiro Día das Librarías. Esta xornada, que se celebrará mañá venres 25 e que pretende consolidarse cada último venres do mes de novembro, nace coa intención de reivindicar a importancia destes establecementos na difusión da cultura e do coñecemento. Os establecementos que participan no evento estarán abertos ata as 22 horas e ofertarán descontos de ata un 5%.

Ademais, desenvolverase unha actividade común que consistirá na lectura dun texto elixido polos libreiros, para alén das actividades que desenvolva cada un dos diferentes establecementos.