Son of Babylon de Mohamed Al-Daradj e Cairo exit de Hesham Issawi compartiron “ex aequo” o premio ao mellor longametraxe de ficción da última edición do Festival Amal. O xurado recolleceu a historia da viaxe dun neno kurdo que busca ao seu pai desaparecido na Guerra de Irak en compaña da súa avoa (Son of Babylon) e a doutro filme que conta como lle afectan as diferenzas relixiosas entre musulmáns e coptos (cristianos ortodoxos) a unha parella nova (Cairo Exit). O premio do Público foi para This is my land, Hebrón, que tamén foi galardoado co premio a mellor documental. A cinta galega Todos vós sodes capitáns, gañou o premio da TVG. O premio especial Amal Express 2011 foi para Alas de revolución de Carlota Mosquera. O sábado entregáronse os premios desta edición, que contou con 3.500 espectadores para ver os 26 filmes a competición.
