Lugo e Vigo promoven o uso de galego nas lápidas funerarias

"En Galicia hai parroquias de vivos e parroquias de mortos" asegura a Faro de Vigo o presidente da Asociación de Funcionarios para a Normalización Lingüística, Xosé González. Na súa opinión as lápidas non recoñecen a lingua na que sempre se exprseron as persoas que alí descansan, por iso este coelctivo está a fomentar as mandas testamentarias ( dictado das derradeiras vontades ante notario) en galego. A concellaría de Normalización Lingüística de Vigo facilita este trámite para os que o soliciten. De xeito paralelo, o concello de Lugo aproveita o día de defuntos para difundir 4.000 tarxetas cun poema de Lois Pereiro (“somentes intentaba conseguir deixar na terra algo de min que me sobrevivise”) coa intención de conciencias sobre o uso do idioma nos cemiterios.