Capa do Boletín do Museo Provincial de Lugo XIV
A corresponder aos anos 2009/2010/2011, onte saía á luz o volume XIV do Boletín do Museo Provincial de Lugo. A publicación centra os seus artigos en temas de arte, como o traballo do escultor e arquitecto Bernabé García de Seares. A nivel arqueolóxico, na revista dáse conta das descobertas no depósito da Rúa Quiroga Ballesteros de Lugo e mais do biface aparecido en San Cibrao. Os cruceiros da Terra Chá e mais o complexo de San Breixo, en Palas de Rei, centran os contidos etnográficos, e diferentes artigos dan conta de diversos fondos do propio museo. Os artigos están dispoñibles no web do Museo, onde tamén se poden consultar as normas para enviar artigos de cara ao vindeiro número.
