O grupo compostelán de metal escuro progresivo Kathaarsys ven de sacar á rúa un novo traballo The Concept baseado na gravación do seu concerto na Sala Capitol de Santiago o 9 de outubro de 2010 dentro da xira “Intuition Tour”. The Concept preséntase nun formato de libro con CD e DVD da actuación en directo e está editado pola súa propia discográfica e produtora Silent Tree.
Ao longo das máis de cen páxinas do libro escrito en español con algúns textos en galego e con versión en inglés Jose L. Montáns, alma mater da banda, ofrece unha revelación dos significados máis herméticos nos que se manexa a música de Kathaarsys. No libro The Concept tamén achamos unha historia gráfica de Kathaarsys (incluíndo discografía con anotacións e comentarios, carteis de xiras e miscelánea fotográfica). O libro-disco pode adquirirse a través da web do grupo exclusivamente. Este é o quinto disco desta banda que ten unha multitude de seguidores a nivel internacional que lles aseguran xiras con ducias de concertos por toda Europa e América como a que mantiveron e narraron durante o ano 2010 para Culturagalega a través do blog Na estrada escura.
