Vidas de montaña rusa

Que estás disposto a facer por cambiar de vida? Fermín Noite ( “un freaky en crise” segundo a sinopse do espectáculo) está disposto a todo. Está enfermo, acaba de ser despedido e pretende probar sorte nuns traballos cada vez máis extraordinarios. Cun humor ácido, Fermín Noite trasládanos ó seu absurdo mundo de pallaso lúcido. Este espectáculo fusiona circo, teatro e audiovisual dirixido por Walter Velázquez e Natalia Outeiro (Exhíbese en formato showcase, presentación dun máximo de vinte minutos, na Mostra das Artes Escénicas, o martes 18, no Salón Teatro ás 22:00 horas).