“A infancia é unha conta atrás cara ao adulto que levamos dentro desde pequenos” e esta é a filosofía que está detrás do “Proxecto Contatrás”. Esta iniciativa, que toma o nome do poemario de Paula Carballeira (publicado por Edición Positivas) comeza cun espectáculo para público infantil que le ao nome “A folla máis alta”. Trátase dunha montaxe contemporánea que conta con música, danza, poesía e moitos recursos visuais pensado para un público entre 7 e 12 anos. A proposta completarase con outra montaxe, pero xa pensada para un público adulto. (Espectáculo que se exhibirá no formato showcase. Salón Teatro, a partir das 22:00 horas do luns 17).
