Son novos, prometedores e comparetn a súa afección pola moda. O galego José Matteos foi un dos nomes propios dos desfiles privados, en espazos alonxados de IFEMA, pero que se encadran dentro da programación da Cibeles FashionWeek, a cita coa moda máis importante do Estado. Xunto co seu nome, nesta edición destaca outra promesa: Alba Cardalda, quen presentou uns estilismos deportivos e urbanos inspirados no arquitecto Oscar Niemeyer nos que as curvas e as cores fluorescentes centraron a atención dos asistentes a el EGO, a plataforma pensada para novos talentos. Son as caras galegas máis novas desta edición de Cibeles, nas que se ofrecen as propostas para a primavera-verán de 2012.
