Terra con cine

Todo é silencio é o cuarto filme que Jose Luís Cuerda roda estes días en terras galegas. Chegou en 1987 para gravar O bosque animado e repetiu experiencia ata en dúas ocasións máis: A lingua das bolboretas(1999) e Os xirasois cegos (2004). Agora volve para contar unha historia, baseada nunha novela de Manuel Rivas, que recrea a vida de contrabadistas que se coñecen desde pequenos. Ata hoxe son moitos e moi reputados os realizadores que estiveron en terras galegas preparando as súas películas.

Pedro Almodóvar, Alejandro Amenábar, Isabel Coixet, Manuel Gutiérrez Aragón, Gracia Querejeta, Jose Luis Sánchez de Heredia… é ampla a nómina de realizadores españoles que incluíron entre as localizacións das súas historias algún recuncho galego. O rexistro máis completo que existe sobre o tema chámase Rodado en Galicia, unha publicación da Xunta de Galicia que recolle fichas e comentarios publicados en prensa sobre as producións filmadas no noso país elaborado por Miguel Anxo Fernández. A publicación, que está en fase de actualización, documenta máis de douscentos filmes gravados no noso país.

De Miss Ledya ao silencio
En 1916 José Gil roda a primeira curtametraxe de ficción da produción audiovisual galega para contar a desventura dun miultimillonario ianqui que está de viaxe por Galicia. Un traballo que ten a curiosidade engadida de contar con Alfonso R. Castelao como un dos actores. Sucédense unha serie de longametraxes rodadas por estas terras como La Casa de la Troya, A Traxecia de Xirobio, Carmiña, Flor de Galicia que tiveron abondosa repercusión social e que se conservan no Centro Galego de Artes da Imaxe.

Conta Miguel Anxo Fernández na publicación sobre as rodaxes que a década dos corenta foi especialmente prolífica. Destaca polo nome propio de Cesáreo González, creador da produtora Suevia Films, que promoveu o que despois se bautizaría como a “gallegada”, cu abiente moi característico aderezado como folclores e un estereotipo do galego.

A década dos cincuenta descendeu o número das rodaxes, pero contou cun actor moi destacado: Cary Gran estivo en Santaiago par rodar Lúa de mel en España (1959) unha comedia musical na que tamén participaría Frank Sinatra e Sofí Loren. Os 18 títulos que se rodan nos anos sesenta permiten a chegada a Galicia de numerosas figuras destacadas do cine español como Pedro Olea, Mario Camus ou Luis Buñuel, algúns deles repetirían experiencia na década seguinte.

Malia que Win Wender renegou desta película e a rodaxe estivo anegada de problemas e contratempos, A letra escarlata foi un dos títulos gravados nos prolíferos anos setenta que deron paso aos oitenta, década do renacemento do cinema galego e a presenza de numerosos directores moi recoñecidos. Urxa, Sempre Xonxa e Continental abriron paso a unha política audiovisual marcada por promover as rodaxes, espolear a aparición de produtoras galegas e o nacemento de directores galegos. Foi así como directores como Manuel Gutiérrez Aragón, Luis Alcoriza, Isabel Coixet desplazaron ata Galicia os seus equipos, ao lado de xente como Roman Polanski, Adolfo Aristarain, Robert Young, Alejandro Amenáber, Pedro Almodóvar ou Emilio Estévez.