Os bancos de area das Cíes, entre os máis ameazados da Península Ibérica

As dunas das illas Cíes son as máis antigas da Península Ibérica. Pero tamén as máis ameazadas. Así o asegura o director do Instituto de Xeoloxía da Universidade da Coruña, Juan Ramón Vidal Romaní, que está a coordinar un estudo sobre o sistema dunar do arquipélago. Vidal data en 6.000 anos a antiguidade dos bancos de area, e cifra en só 30, os anos que tardarán en desaparecer se non se preserva a vexetación e non se prohíbe o paso por determinadas zonas.