David Braña prepara dúas obras para o mercado americano

Evil War, con debuxo de Juan Alarcón e cor de Álex Segura e mais Mil Lobos con Ricardo Gázquez aos lapis. Estes son os títulos que o guionista residente en Vigo David Braña verá publicados na editora estadounidense Wi-Fi Digital Press. Os traballos, de 144 páxinas cada un, verán a luz posiblemente serializados en edición simultánea en papel e dixital, e teñen prevista a súa publicación par dentro dun ano e medio ou dous anos. Canda a isto, o autor presenta no web o trailer do segundo número da revista El Arca, que verá a luz proximamente.