Cultura programas actividades culturais para os solpores na Cidade da Cultura

O obxectivo é animar á cidadanía a participar nas actividades programadas na Cidade da Cultura e, de paso, darlle vida as rúas do complexo. Cultura presentou hoxe o programa detallado dos Atardeceres no Gaiás que pretende animar os solpores a ritmo de música (medieval, clásica, electrónica e independente), contacontos, espectáculos poéticos ou o relato dun contacontos. As programacións terán lugar de xoves a sábado de todas as semanas ata o 10 de setembro. Algúns dos encargados de amenizar os solpores desde o Gaiás son Lacrosse, os suecos Le Corps Mince de Françoise, Chelicia, os búlgaros Simona Kantcheva e Palmen Velev ou Ensemble Galante. A iniciativa comeza o vindeiro xoves 14 con “Camiños de amor e lúa”, un espectáculo de poesía musicada a cargo do guitarrista Xosé Manuel Salgado, xunto co escritor e poeta de Verín Xosé Carlos Caneiro.