Sábado once de xuño, once da mañá. Esta é a hora á que están convocados público, veciños e tripulantes da Sala Nasa para comezar a definir o modelo cultural desta emblemática sala. Logo da presentación dun informe da situación a cargo de Xesús Ron, o voceiro da sala, abrirase o tempo da reflexión destinado a dous obxectivos. Dunha banda, a definición do modelo cultural e artÃstico que ha de asumir a sala e, da outra, intentar dilucidar o modelo de organización e posibilidades de intervención nas polÃticas culturais da cidade. A sala convocará a axentes culturais e medios de comunicación para unha segunda xuntanza que terá lugar o vindeiro sábado 18.
