Seis mil volumes da biblioteca persoal de Carlos Casares, asà como 6.995 documentos en papel e 2.477 imaxes do seu arquivo pasarán a formar parte dos fondos do Arquivo e da Biblioteca de Galicia, na Cidade da Cultura. A Fundación que leva o nome do escritor acordou cederlle estes bens ao complexo do Gaiás con vistas a facilitar a súa investigación e difusión. O material cédese de xeito gratuÃto en réxime de comodato cunha duración inicial de 30 anos, nos cales as dúas entidades se comprometen a colaborar na catalogación e documentación dos fondos.
