Agadic convoca axudas as industrias culturais que reducen a súa contía en 730.000 euros

Cos mesmos obxectivos (incrementar público, consolidación das industrias e procurar a excelencia), modalidades (salvo que eliminan as axudas ao asociacionismo profesional neste sector, mantéñense o resto) hoxe sae no DOG a convocatoria de axudas ás industrias culturais para este 2011. O importe total desta liña de axudas é de 1.370.000 euros, que supón 730.000 euros menos que na anterior edición (en 2010 a convocatoria foi inicialmente de 2.290.000 euros, que se reduciu a 2.100.000 euros nunha corrección de erros posterior). O prazo de presentación de solicitudes está aberto durante un mes.