Unha xornada pretende potenciar a produción científica en galego

Debémoslle ao Seminario de Estudos Galegos as primeiras publicacións científicas en galego. Aquel proxecto para formar investigadores, así como estudar e divulgar o patrimonio cultural galego viuse truncado pola Guerra Civil. Abriuse entón un ermo de publicacións de carácter científico no noso idioma ata mediado dos anos setenta. Hoxe en día, o inglés está a ocupar posto hexemónicos da comunicación científica experimental deixando moi pouca marxe para linguas como o castelán, catalán e o galego. A xornada Escribir ciencia en galego, pretende reflexionar sobre as poisibilidades do galego nos diferentes formatos de divulgación científica e evitar a sua desaparición neste campo. As diferentes sesión desenvólvense hoxe venres no Consello da Cultura Galega, entidade que organiza esta proposta a través da sección de Ciencia, Natureza e Sociedade.