De garda está Anxos Sumai durante toda a semana para que non se lle escapen as cousas realmente importantes ó seu redor. Anxos de garda son sete días descritos por unha escritora situada nun punto de converxencia onde se cruzan as liñas do íntimo e o colectivo. Da tradición oral e musical colectiva e do folclore sabe moito Kiko Paz Antón, compoñente de Na Lúa e pintor que comparte con nós os seus recunchos preferidos da rede, son os Favoritos de Kiko Paz. E non deixes de intentar resolver un novo encrucillado feito polo lingüísta Paulino Novo para a nosa sección de pasatempos.