O Consello da Cultura presenta en Lugo unha mostra de cinema feito por mulleres

As mulleres están incrementando a súa participación nos diferentes procesos do sector audiovisual en Galicia. Con todo, a súa presenza continúa invisibilizada, polo que a Comisión de Igualdade do Consello da Cultura Galega organiza un ciclo, “Creadoras Galegas de Imaxe”, que pretende dar a coñecer este traballo. Margarita Ledo, Peque Varela, María Reimóndez, Susana Rey, Sonia Méndez ou Olaia Sendón serán as protagonistas dunha mostra na que se verán as súas producións audiovisuais e que as propias autoras comentarán nun coloquio posterior. A cita desenvólvese ata o mércores en Lugo e a asistencia é de balde.