Gas Natural Unión Fenosa convoca as súas bolsas de creación artística no estranxeiro

Son unha das convocatorias máis agardadas polos creadores plásticos ou visuais deste país. Gas Natural Unión Fenosa acaba de presentar unha nova convocatoria á que poden concorrer todos os creadores que naceran ou residan en Galicia e non cumpriran 35 anos. O período de formación que permita esta bolsa terá unha duración de 18 meses (cun mínimo de 5 no estranxeiro), cunha dotación de 16.000 euros que custeará viaxes, estadías, materiais e matrícula en centros docentes. O resultado final deste traballo deberá figurar nunha memoria que ha de ser aprobada polo xurado.