Un ciclo exhibirá a creatividade da curtametraxe galega

Agrupados en epígrafes temáticos, a Fundación Rodríguez Iglesias pretende dar a coñecer o potencial e o talento da curtametraxe galega. Por iso, a súa sede da Coruña comeza unha serie de cinco sesións nas que programará ata 23 filmes de formato curto que comeza hoxe con Coruña imposible de Paco Rañal. A entrada deste ciclo é gratuíta e continuará os vindeiros días 7 (co lema Arte Curta) e 14 (Galicia vista por…) para rematar o 15 de abril coa mediometraxe de Óliver Laxe, París#1. Este é un dos ciclos que está a preparar esta entidade, que está a traballar noutros de teatro, literatura e música.