Luís Tosar grava con Di Elas o seu primeiro disco

Logo de varios anos de actuacións ao vivo, Di Elas, o grupo liderado por Luís Tosar e Piti Sanz, lanzan o seu primeiro disco. Co mesmo nome do grupo, o CD, producido por Warner, está integramente en castelán agás un tema cantado en galego. O grupo interpreta neste lanzamento temas propios compostos por Tosar e Sanz nos que canda aos propios do rock destaca o emprego da guitarra acústica. O vídeo do primeiro single, Volver está xa dispoñible na rede.