Catorce proxectos participarán na cuarta edición da Pecha Kucha Night de Ferrol

Haberá espazo para falar da danza (Matilde Pereira), do teatro (grupo Teterella), do medio (proxecto Troposfera), do cinema (Pablo Portero presentará Despierta a súa última curtametraxe), da medicina (Antonio García)… en realidade o que define unha Pecha Kucha Night é o formato de presentación. Seis minutos e corenta segundos de creatividade comprimida (cada participante dispón dun máximo de vinte segundos para comentar as vinte imaxes que se presentan). A cuarta edición da Pecha Kucha Night de Ferrol terá lugar o vindeiro 25 de marzo no Teatro Jofre ás 22:30 horas.