Unha editora viguesa publicará 150 títulos en Estados Unidos

Un acordo co Institute for Workforce Education (IWE) de Chicago permitiralle á editora viguesa Ideas Propias entrar no mercado estadounidense. As dúas entidades coeditarán versións adaptadas aos contidos deste país de 150 títulos dos presentes no catálogo da editora galega, especializada en manuais para diferentes ámbitos formativos. A entidade americana encargarase da adaptación e creará contidos didácticos extras para o material galego.