A Asociación Nacional de Nuevos y Jóvenes Diseñadores (ANDE) outorgoulle o Premio Nacional á Moda para Novos Deseñadores ao vigués Jandro Villa. Este creador levou o galardón coa súa colección Madia Leva, que parte da tradición galega e mestura a iconografía vencellada a autores como Rosalía e Castelao coa cultura nórdica. Os deseños galardoados caracterízanse pola ausencia de cor e a superposición de pezas.
