A visión dos indianos válelle a Luís González Tosar o premio periodístico Puro Cora

A experiencia vital de Luis González Tosar en Bos Aires, así como o humor co que retratou a sociedade indiana nun artigo publicado en El Progreso e De luns a venres o pasado 26 de abril acaba de valerlle ao autor o premio Puro Cora. O artigo foi seleccionado entre preto de 65 textos publicados en trinta medios de comunicación que chegaron principalmente de Galicia e de Madrid, pero tamén houbo algunha proposta de diferentes puntos de España, Europa e América.