Cartel da presentación do Caderno de estudos chairegos
A cumprir a súa periodicidade bienal, o Instituto de Estudos Chairegos presentaba o pasado 28 de xaneiro a quinta entrega da súa publicación. O Caderno de Estudos Chairegos número 5 recolle textos de investigación etnográfica como Os cruceiros da Terra Chá (Abadín), de Fernando Arribas e José Manuel Blanco Saavedra ou O caneiro de Santo André de Vanesa Cotoya Díaz. Canda a outros traballos, o volume recolle tamén o pregón do XXXVI Certame Literario-San Ramón 2010, de José-Luis Novo Cazón, poemas de Luz Airado Bello e as fotografías antigas que a asociación recolleu para as exposicións “Tal como eramos” de Vilalba e Guitiriz.
