O Porto de Vigo está a restaurar a nave de redeiros, un edificio do mariñeiro barrio do Berbés, en Vigo, segundo informa o Faro de Vigo. No interior da nave ten previsto a creación dun espazo para trasladar parte do seu arquivo, abrir salas de investigación e un museo cos seus fondos. E non son poucos. 2100 fotografías que documentan a conformación da zona industrial do porto de Vigo, pero tamén a emigración ou a chegada de busques históricos, canda documentos e expedientes e unhas 2000 publicacións. A información xa era consultable nestes momentos pero o seu traslado ao Berbés suporá unha tentativa de divulgación dese material pouco coñecido.
