Capa do número 187 de Grial
Acaba de chegar ás librarías a entrega de Grial que corresponde ao trimestre de verán de 2010. A publicación centra este seu número 187 na lectura dixital, un tema ao que dedican artigos Manuel Bragado, Domingo Docampo ou Robert Darnton entre outros. Textos sobre a exposición do legado de Fermín Penzol en Vigo, o discurso de Castelao nos xardíns de La Polar na Cuba de 1938 ou un artigo de Carlos Alberto Faraco sobre a Lusofonía son outros contidos que se poden atopar nesta entrega.
