A morte surprendeu ao xeógrafo Francisco Río Barja aos 91 anos de idade cando se atopaba de vacacións en Canarias. O seu corpo foi atopado na cama do hotel no que descansaba, sen que polo momento se teñan determinado as causas do falecemento. Para alén dun intensto traballo de divulgación encol da xeografía do noso país mediante a realización de manuais, mapas e documentaais Río Barja participou activamente en entidades como a Real Academia, o Consello da Cultura ou o Instituto Padre Sarmiento, e recibiu polos seus esforzos o premio Trasalba e a Medalla Castelao, entre outros recoñecementos.
Ramón Villares, presidente do Consello da Cultura, salientou a importancia da traxectoria do falecido, a quen definiu como “un home discreto, amable e elegante”.
Para o día de hoxe agárdase que o corpo do defunto chegue a Compostela, onde residía, e que unha vez resoltos os trámites correspondentes se proceda á súa incineración ao longo da fin de semana.
