Emma Pedreira leva o IX premio Novacaixagalicia de Poesía

Antítese da ruína é o título da obra coa que Emma Pedreira se fixo co IX Premio Novacaixagalicia de Poesía, que se fallou o pasado 17 de decembro. O xurado valorou a orixinalidade da obra e as súas sorprendentes imaxes e seleccionouna entre as 49 presentadas. Pedreira levará 12.000 euros e verá a obra publicada na colección 'Arte de Trobar'. O certame está convocado polo PEN Clube e mais pola entidade financeira.