Cangas creará unha fundación para a organización da súa mostra de teatro

Profesionalizar o evento e, de paso, conseguir financiamento privado que evite a dependencia dos partidos políticos. Este é o obxectivo que persegue a Asociación Xiria, entidade responsable da Mostra de Teatro de Cangas, ao buscar unha figura xurídica para a organización dese encontro. A figura da fundación é unha das fórmulas estudadas e que o concello local tamén aprobaría. A entidade presentou as contas da Mostra de Teatro desta edición que tivo un superávit de 17.500 euros. Ademais, aprobouse que a edición número 28 teña lugar do 1 ao 9 de xullo de 2011.