Vigo adianta a súa vindeira pinacoteca cunha mostra temporal

Un avance da futura pinacoteca que se abrirá na Cidade Olívica. Este é o obxectivo da exposición Unha pinacoteca para Galicia, que se poderá ver entre o 26 de novembro e o 13 de febreiro na Casa das Artes de Vigo. A mostra achega 83 obras da plástica galega dos séculos XIX e XX, con autores como Laxeiro, Colmeiro, Castelao, Lugrís, Serafín Avendaño ou Maside entre outros, das cales dez foron restauradas especificamente para a mostra.