O Corpus de Referencia do Galego Actual (CORGA) suma xa 26 millóns de formas ortográficas, un millón máis do que no pasado ano. O proxecto do Centro Ramón Piñeiro recolle textos publicados desde 1975, achegando a frecuencia de emprego real de diferentes formas da nosa lingua. Este traballo facilita as investigacións sobre aspectos morfolóxicos e sintácticos da nosa lingua e pode consultarse de balde por Internet.
