Alfredo Ferreiro: crítico literario e poeta

Membro da comisión de crítica da AELG, blogueiro, poeta, dinamizador cultural. Alfredo Ferreiro está a se facer un nome imprescindible no panorama das letras do noso país. Cun traballo incansable a prol da integración das novas tecnoloxías na nosa cultura, é responsable dalgúsn dos proxectos máis anovadores neste campo nos últimos anos.

¿Cando coñeciches o portal?
Supoño que cando comecei a mover pola rede como usuario principiante, cara a 2005 sería.

¿Como o ves na actualidade?
O portal naceu enfocado orixinalmente como un interesantísimo e indispensable aglutinador de noticias, pero hoxe é moito máis. É un medio de comunicación completo dedicado á cultura. As reportaxes que aparecen seméllanme insubstituíbles, e que se podian consultarna hemeroteca, un luxo.

¿Que pensas que lle falta?
Sen estudalo a fondo, semella que falta implicar mais ao usuario, ser máis interactivos. Non sei se cómpre tanto unha configuración propia por intereses, porque todo lle pode interesar ao leitor que quere saber da cultura pero si se podería promover mais a participación.

¿Hai algún servizo que empregues habitualmente ou algún contido que lembres de xeito especial?
Eu onde me fixo mais é no que ten que ver co libro, a edición... Paréceme que o catálogo de libros é tamén unha ferramenta moi valiosa ao final de ano. A min, como membro da asociación de crítica da AELG, é unha ferramenta que me axuda a ollar o publicado e logo ademais ver bastantes recensións. Ogallá houbese máis, que xa hai moitos, pero paréceme que permite unha análise do ano enteiro que non hai noutro lugar.