Foron só tres anos pero son do período máis descoñecido de Ramón María del Valle Inclán. O coñecido dramaturgo estivo en Roma como director da Academia de Belas Artes entre 1933 e 1936. O material de toda esa época acaba de ser compilado no volume Todo Valle-Inclán en Roma editado pola cátedra que leva o nome do escritor no marco da Universidade de Santiago maís a Deputación de Pontevedra. O volume inclúe desde informes ata cartas manuscritas pasando por documentos de ámbito persoal ou orzamentos e fotografías. Ademais, a Deputación anunciou que o premio de investigación que leva o seu nome incluirá no 2011 galardóns para obras teatrais.
