Co obxectivo de “recuperar e manter vivo o coñecemento da achega das mulleres en todos os campos”, o Instituto da Muller acaba de informar que celebrará o 125 anivesrario do pasamento de Rosalía de Castro (Santiago, 1837- Padrón, 1885). Sen precisar as datas concretas, Madrid e Galicia acollerán unha serie de conferencias que incidirán nas dificultades que atravesou como muller e como escritora.
